Plantun de Prouvènço

Pèr coumpara dos planto d'encò nostre

Verbascum chaixii & Coronilla scorpioides

Verbascum chaixii

Scrophulariaceae

Nom en français : Molène de Chaix.

Descripcioun :
Aquelo fatarasso èi proun grando e ramificado. Si flour jauno an d'estamino vióuleto. Un poun particulié : li fielat di gràndis estamino soun transversau. Li fueio soun verdo e bèn dentado. Vèn dins li relarg dóu blacas e i raro de fourèst.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 0,5 à 1,5 m
Fueio : alterno
Tipe bioulougico : Emicriptoufite
Cicle bioulougico : Renadivo mounoucarpico

Gènre : Verbascum
Famiho : Scrophulariaceae

Ordre : Lamiales

Coulour de la flour : Jauno
Petalo : 5
Ø (o loungour) flour : 2 cm
Flourido : Estiéu

Sòu : Ca
Autour basso e auto : 0 à 1600 m
Aparado : Noun

Liò : Colo - Tepiero seco
Estànci : Mesoumediterran à Mountagnard
Couroulougi : Éurasiatico-Cèntre-Ouèst
Ref. sc. : Verbascum chaixii Vill., 1779

Erbo-dis-amourous

Coronilla scorpioides

Fabaceae Leguminosae

Àutri noum : Touroun, Amarello, Amarum, Mïoun-Mïeto.

Noms en français : Queue-de-scorpion, Coronille queue-de-scorpion.

Descripcioun :
L'erbo-dis-amourous es uno planto verdalo de l'an que trachis dins li relarg roucaious e li garrigo. Se recounèis à sis gròssis estipulo redouno óupousado à la fueio (ço qu'a bessai douna lou noum de la planto), e à si dòusso acabado pèr uno meno de crouchet (ço qu'a douna lou noum latin).

Usanço :
L'erbo-dis-amourous èi pas couneigudo pèr èstre manjadisso. Sèmblo vertuouso pèr ana caga, pissa e pèr, peréu, d'ùni proublèmo de couor. Se pòu faire uno tenchuro bluio emé li fueio reboulido. S.J. Honnorat, dins soun diciounàri, esplico qu'amarun vèn que douno aquéu goust à la farino e au pan.

Port : Erbo
Taio : Pancaro entresigna
Fueio : coumpausado
Tipe bioulougico : Teroufite
Cicle bioulougico : Planto de l'an

Gènre : Coronilla
Famiho : Fabaceae
Famiho classico : Leguminosae

Ordre : Fabales

Coulour de la flour : Jauno
Petalo : irreguliero
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : Pancaro entresigna
Aparado : Noun

Liò : Garrigo - Roucaio - Tepiero seco
Estànci : Termoumediterran à Coulinen
Couroulougi : Pancaro entresigna
Ref. sc. : Coronilla scorpioides (L.) W.D.J.Koch, 1837

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

Verbascum chaixii & Coronilla scorpioides

RRR

Coumpara Fatarasso(-de-Chaix) emé uno autro planto

Coumpara Erbo-dis-amourous emé uno autro planto